Ilusad ang provincial action plans sa 10 ka probinsiya sa nasud nga naglangkob sa tibuok West Philippine Sea karong buwan sa Mayo.
Kini isip suporta sa paningkamot sa gobyerno taliwala sa tensiyon sa kadagatan.
Matud pa ni DILG ASec. for Internasyonal relations Lilian de Leon, ang mga probinsya sa Pangasinan, La Union, Ilocos Norte, Ilocos Sur, Batanes, Bataan, Zambales, Batangas, Palawan ug Occidental Mindoro nag-umol sa ilang tagsa-tagsa ka mga action plan kalabot sa WPS.
Ang roll out sa maong provincial action plans magsugod karong Mayo 2024 para sa pagpatuman, pagpaaktibo ug institutionalization sa kasabutan nga gipahigayon sa unang National Summit alang sa WPS nga nagtumong sa pagpalig-on sa lokal nga liderato ug pagdumala ingon man sa mga komunidad.
Kapin sa 500 ka opisyal gikan sa 115 ka lungsod ug 9 ka siyudad sa 10 ka probinsiya, civil society groups ug mga miyembro sa academe ang mitambong sa summit.
