Gipasalig sa Philippine Sports Commission (PSC) nga motabang kini sa Filipina tennis star nga si Alex Eala.
Nahitabo kini nunot sa posibleng mga silot nga iyang atubangon gikan sa Women’s Tennis Association (WTA) tungod sa iyang desisyon nga moapil sa ika-20 nga Asian Games sa Japan imbes nga sa China Open.
Nagkanayon si PSC Chairman Patrick Gregorio nga ang pag-apil ni Eala niini nga kompetisyon klaro nga alang sa nasod.
Dugang pa niya, nagpakita og maayong ehemplo ang Filipina tennis star pinaagi sa pagpili nga morepresentar sa nasod.
Una nang gipahibalo sa WTA nga mag-atubang si Eala og multa nga moabot sa $10,000 kung dili siya makaduwa sa China Open, nga usa ka mandatory nga WTA 1000 event alang sa mga babaye ug ATP 500 tournament alang sa mga lalaki.
Tumong sa Filipina tennis star nga makakuha og gold medal sa Asian Games, human siya nakadala lang og bronze medal sa iyang miaging pag-apil sa 2023 Asian Games sa China.
