-- ADVERTISEMENT --
CEBU CITY-Gisikop ang usa ka aktibong pulis tungod sa giingong pagsumbag ug pagtion og armas sa kaubang pulis sa may Sto. Niño road sa Barangay Sambag 2, dakbayan sa Sugbo Martes sa gabii, Abril 24, 2024.
Giila ang dinakpan nga si Louie Nepomoceno Sequito, 29-anyos, sakop sa support unit sa PNP nga nadestino dinhi sa Central Visayas.
Sa taho sa kapulisan nagpakita nga ang insidente nahitabo human si Sequito nag-inom uban sa pipila ka mga higala, giingong unang gisumbag sa suspek ang biktima ug pagkahuman nibunot og pusil ug giingong gition ngadto sa biktima.
Gitanggong na sa Abellana Police Station ang maong polis samtang nagpaabot sa pagpasaka og kasong grave threat ug physical injury batok kaniya.
