CEBU CITY-Gikuhaan ug sample sa tubig alang sa pagsulay ang Tejero Creek sa dakbayan sa Sugbo human sa mga taho nga adunay mga bahin sa sapa nga nahimong puti.
Kini ang gitino sa Cebu City Environment and Natural Resources Office (CCENRO), Human sa ilang inisyal nga pagsusi, nasuta nga pipila ka bahin sa sapa ang nagpakita og kolor nga susama sa milk tea.
Sa samang adlaw, nanawagan usab sila og tabang sa Environmental Management Bureau (EMB)-7 ug gikuhaan og mga sample alang sa laboratory testing.
Gawas sa mga sample gikan sa sapa mismo, mikuha usab sila og mga sample sa discharge gikan sa Mactan Rock Industries Inc.
Dugang pa, nga bisan og nakabantay sila og puti nga likido sa sapa, ilang naobserbahan nga ang pag-agas sa Mactan Rock maoy nakapaputi sa tubig.
Posibleng peligro usab sa kalikopan nga mahimong makadaot nga epekto sa lugar.
Niisyu og citation ticket batok sa Mactan Rock tungod sa kakuwang og drainage, samtang gisusi pa ang sitwasyon sa sapa kung resulta ba sa ilang discharge, samtang naghulat sa resulta sa pagsulay.
