Putin, nagplano nga mopahigayon og nuclear testing

Giplano na karon ni Presidente Vladimir Putin sa Russia ang posibilidad sa pagpahigayon og nuclear testing.

Kini human sa pamahayag ni President Donald Trump sa US nga magsugod sila og nuclear testing program.

Sa usa ka pakigpulong sa Russian Security Council, si Putin miingon nga sila nagsunod sa Comprehensive Nuclear-Test-Ban Treaty (CTBT) ug walay plano nga molapas niini.

Bisan pa, kon ang US ug uban pang mga nasud nga mipirma sa CTBT mohimo og test, ang Russia mapugos usab sa pagtubag.

Gihangyo niya ang government ministries ug daghang mga ahensya nga mosumite og coordinated proposals alang sa posibilidad sa pagpahigayon og nuclear weapons testing.