TALISAY CITY,CEBU- Na-alarma ang mga tawo sa dumpsite sa Brgy. Tapul, Dakbayan sa Talisay human nakit-an ang usa ka putol nga tiil nga gisulod og karton ug gilabay uban sa mga basura, gahapon Enero 12, 2025.
Basi sa mga nakasaksi, nakugang ang mga lumulopyo nga nakakita sa mao nga tiil kinsa gisulod sa usa ka karton.
Dugang pa, nga gilabay kini sa naasoy nga dapit pasado alas 10 sa buntag sa sama nga adlaw.
Matud pa nila nga adunay puti nga sakyanan gikan sa usa sa mga tambalanan nga maoy milabay sa mao nga karton nga adunay sulod nga tiil.
Padayon gihapon ang imbestigasyon sa mga kapulisan sa Dakbayan sa Talisay ilabi na ang pagpangita sa tag-iya niini sa mao nga panghitabo ug karon ang mao nga parte sa lawas gidala na sa usa sa mga punerarya sa Dakbayan sa Sugbo.
