Nagtuo si House Quad-Committee Lead Chairperson Robert ‘Ace’ Barbers nga ang impeachment complaint nga gipasaka batok kang kanhi VP Sara Duterte wala makaapekto sa mga boto sa mga kandidato sa ‘Alyansa para sa Bagong Pilipinas’.
Partikular nga gitumong ni Barbers nga ang mga boto sa Mindanao nga nakuha sa mga kandidato sa Alyansa.
Giinsister sa kongresista nga ang resulta sa eleksiyon mismo ang magpakita nga wala kini makaapekto sa kadaugan sa mga kandidato sa administrasyon.
Gitumbok sa outgoing district representative ang kadaugan sa 36 sa 44 ka mga magbabalaod sa Mindanao nga unang nipirma sa impeachment complaint.
Nangatarungan si Barbers nga kining tanan gipapili pag-usab, nga nagpasabot nga ang mga kongresista nga misuporta sa impeachment complaint batok sa Bise Presidente adunay 81.81% nga win rate.
Gipasabot sa beteranong kongresista nga kon usa ka political liability ang impeachment, dili unta makadaog ang mga kongresista sa ilang tagsa-tagsa ka distrito.
Hinuon, matod niya, mainiton gihapon nga gidawat sa mga botante ang ilang pagpapili pagbalik sa ilang mga buhatan.
Kahinumduman nga si Barbers maoy usa sa mga magbabalaod sa Mindanao nga nipirma sa impeachment batok kang VP Sara.
Nagsilbi siya nga chairman sa gamhanang Quad-Committee nga nag-imbestigar sa giingong koneksyon tali sa drug war ni Duterte, Philippine Offshore Gaming Operators (POGOs), Chinese drug smuggling, money laundering, ug uban pang krimen.
