Queen of All Media Kris Aquino, balik screen human sa pila ka tuig nga hiatus

Opisyal nang mibalik sa telebisyon ang “Queen of All Media” nga si Kris Aquino isip pinakabag-ong C.H.I.K.A. o Chief Head of Insights and Content Analysis para sa Netflix Philippines.

Gahapong adlawa, Agosto 7, gipagawas sa streaming app ang teaser video sa umaabot nga show ni Kris sa usa ka Instagram reel.

Kini ang pagbalik sa Queen of All Media sa showbiz human sa pipila ka tuig nga pagpahuway tungod sa iyang autoimmune diseases.

Ang Episode 1 sa show gipagawas sa Agosto 7, ang episode 2 sa Agosto 14, ug ang episode 3 sa Agosto 20.

Sa maong balita, nalipay ang mga netizens sa iyang pagbalik kay sa katapusan madungog na nila ang iyang kusog ug estorya nga “buhay na buhay” nga dugay nang gipangandoy sa industriya.