CEBU – Gipahimangnoan sa Red Cross ang publiko nga likayan ang paghumol sa baha karong panahon sa ting-uwan nga walay gisul-ob nga proteksyon ilabi na kung adunay open wound gumikan posible kining makuha og leptospirosis.
Sa gipagawas nga advisory sa Red Cross, human sa sunod-sunod nga pag-uwan sa nakalabayng mga adlaw, daghang mga lugar sa Metro Manila ang gibaha.
Matod sa Philippine Red Cross, gipahinabo sa Leptospira bacteria ang leptospirosis ,nga makuha gikan sa tubig nga kontaminado sa ihi sa ilaga.
Ug posibleng mosulod ang naasoyng bacteria sa lawas sa usa ka tawo pinaagi sa mata, ilong, baba ug labi na sa open wounds kung ma-exposed kin sa kontaminadong tubig baha, pagkaon, ilimnon o sa bisan unsang butang.
Gipahinumdoman sa Red Cross nga kung mamatikdan ang mga sintomas sa leptospirosis sama sa taas nga hilanat, pagpuwa sa mata, sakit sa tiyan, kalibanga, panakit sa lutahan ug pagsuka, magpakonsulta dayon sa doktor o kung mahimo magsul-ob og gwantis , botas ug uban pang gamit aron mapanalipdan batok sa maong sakit.
