Mipahigayon og Information and Service Caravan ang Regional Council Against Child Labor (RCACL) sa Mabini, Bohol sa sa hisgutanang pagpabaskog sa paningkamot batok child labor, violence, ug harassment samtang nagprotektar sa katungod sa kaayuhan sa mga kabatan-onan.
Gitungahan kini sa kapin 200 ka mga indibidwal nga gilangkoban sa mga ginikanan, guardians, opisyal sa gobyerno, mga personahe sa tigpatuman sa balaud, ug mga miyembro sa kounidad sa ilang pagsuporta sa Philippine Program Against Child Labor ug uban pang mga balaud nga nagsuporta niini.
Gipangulohan sa Department of Labor and Employment ang maong Information and Service Caravan sa RCACL nga gipahigayon sa Mabini Gymnasium, Barangay Población 1 sa Bohol.
Pipila sa mga gipantuki nga balaud sa maong kalihokan kay ang Republic Act No. 9231, nga na-amendar sa RA No. 7610, ug ang Labor Code of the Philippines.
Ang ubang mga partner agencies kay nagdalit sab og mga frontline services samtang ang mga awtoriadad kay nagpasabot sa mga isyu may kabahin sa Online Sexual Abuse and Exploitation of Children (OSAEC) ug anti-Child Sexual Abuse and Exploitation Materials (CSAEM) laws.
Gawas sa educational talks, ang mga ahensya sa gobyerno mihatag sab ug community services lakip na ang skills training, health screening, Social Security ug PhilHealth assistance, boat registration services, agricultural and fisheries support, Philippine ID registration, ug land title applications
