CEBU CITY-Gitugotan sa Regional Trial Court Branch 10 sa dakbayan sa Sugbo ang reklamo nga gisang-at sa Cebu Port Authority (CPA) tungod sa ‘quieting of title’ nga naglambigit sa gikaaway nga Compania Maritima.
Hinuon, si Cebu City Mayor Michael Rama niingon nga wa pa mahuman ang legal nga away.
Gitino usab sa deputy general manager sa Cebu2World (C2W) nga si Lydwena Eco, sa usa ka pahayag nga bisan kung ang bag-o nga desisyon sa korte makaapekto sa nagpadayon nga proyekto sa redevelopment sa Carbon Market, siya nagtuo nga ang bahin sa Puso Village sa proyekto dili makuha ubos nga walay final ug executory order gikan sa korte.
Ang C2W maoy subsidiary sa Megawide Construction Corp. nga nagpahigayon sa Carbon Market redevelopment project.
Sulod sa 22 ka pahina nga desisyon nga gisulat ni Judge Soliver Peras ug gihatag niadtong Hunyo 5, ang korte mideklarar nga ang Compania Maritima premises anaa sulod sa Baseport sa Sugbo, sumala sa gipasabot ubos sa Executive Order 448 series of 1975.
