Fully operational na ang natukod nga Regional Rehabilitation Center for Youth (RRCY) Girls sa Barangay Tayud, lungsod sa Consolacion sa amihanang Sugbo.
Gitanyag kini isip pinakaunang rehab facility para sa mga kababaynhan dalagita nga mga children in conflict with the law.
Unang gilusad kini niadtong Hunyo 2025 nga gipangunayan pa ni Social Welfare Secretary Rex Gatchalian ang pag-abli niini.
Sa report ni Department of Social Welfare and Development – Central Visayas (DSWD-7) Regional Director Shalaine Marie Lucero kay gipakita niini ang kalambuan sa maong pasilidad isip sakop sa Centers and Residential Care Facilities sa ahensya.
Matod pa nga kumpleto na sa mga kahimanan ang pasilidad nga adunay bed capacity sa 25 kabuok nga may mga essential features pa sama sa open court ug activity center nga gidesinyo para magamit sa therapeutic and developmental activities.
Gihimug-atan niini nga nakakab-o sa gender-sensitive and trauma-informed care standards para sa mga babayeng CICLs ang maong pasilidad.
Ang maong pasilidad kay adunay 15 ka mga personahe lakip ang mga houseparents, spcial workers, admin staffs, utility workers, security guards, cook, nurse, ug psychologist.
Aduna sab mga partnerships ang maong pasilidad sa mga nagkadaiyang ahensya ug buhatan aron sa paglahutay sa mga programa niini sama sa vocational skills training sa TESDA, Alternative Learning System sa DepEd, hydrophonic garden ug weekly medical and dental services nga dalit sa Rural Health Unit sa Consolacion LGU.
Isip pinakaunang sa tibuok Pilipinas, makaserbisyo kini sa tanan CICLs gikan sa nagkadaiyang dapit sa nasud apan priyoridad ang gikan sa Sugbo ug Visayas sa tinguhang mapanalipdan ang mga nadaug-daug nga kabatan-onan babaye.
