CEBU – Gisiguro ni Cebu City South District Representative Eduardo Rama ang iyahang suporta sa pangandoy ni Cebu City Mayor Michael Rama nga himuong Singapore-like ang dakbayan sa Sugbo.
Matud pa, wala kini problema sa maong katuyoan kung diin anaa gayud kanunay ang iyahang suporta alang sa dakbayan.
Giingong kanunay kining abli sa pakig-alayon sa iyahang mga kaubanan sa gobyerno, ingon man sa mga stakeholders ingon man sa mga pangulo sa nagkadaiyang sektor sa industriya kung unsa may ikaayo alang sa tanan.
Kahinumdoman nga niadtong adlaw nga Lunes, Oktubre 3, una nang gipadayag ni Mayor Rama ang iyahang kagustohan nga makigpulong nila ni Representative Rama ug North District Representative Rachel “Cutie” del Mar, arun nga iyahang ipahibalo sa mga kongresista sa katuyoan niini nga ‘Singapore-like Cebu City’.
