Mibwelta si House Prosecutor ug San Juan City Representative Ysabel Maria Zamora sa iyang gitawag nga misogynistic bashers nga mitumbok sa iyang estilo sulod sa impeachment court.
Kini nagsunod sa mga pagsaway gikan sa pipila ka mga personalidad bahin sa iyang direct examination sa saksi nga si Police Major Joericson Sangalang niadtong Lunes, Septiyembre 28.
Si Zamora nagpahayag sa iyang pagmahay nga daghang mga Pilipino ang nagbaton gihapon sa ingon nga mga panghunahuna ug naghimo og mga komento nga misogynistic, labi na nga gitumong sa mga babaye nga intelligent, maayo mosulti, ug nagserbisyo isip mga abogado sa usa ka impeachment court.
Gipasiugda sa representante nga ang pagsaway dili lamang bahin sa mga legal nga butang, apan nagpakita sa usa ka wala’y pagtagad nga pagtan-aw sa mga kapabilidad sa mga babaye nga naghupot sa taas nga ranggo nga mga posisyon sa serbisyo publiko.
