Tun-an ug basahon ni Pres. Ferdinand Marcos Jr. ang accomplishment report nga gisumiter sa Independent Commission for Infrastructure (ICI).
Sumala ni Palace Press Officer Claire Castro, nadawat na sa Office of the President ang report pinaagi sa Office of the Executive Secretary.
Dugang ni Castro nga tun-an pag-ayo sa Presidente ang mga resulta sa trabaho sa ICI, nga giumol aron imbestigahan ang mga anomalosong flood control projects.
Nasayran nga ang sulod sa 125 ka adlaw nga accomplishment report sa ICI naglakip sa 9 ka referral sa Office of the Ombudsman sa 65 ka indibidwal nga nalambigit sa mga anomalous nga proyekto sa pagkontrol sa baha.
Ingon man nga dili mapaambit ni Castro kung nakigsulti na ba si Pang. Marcos ug ang chairman sa ICI nga si Andres Reyes.
Kahinumduman nga unang gipahibalo sa Palasyo nga gitugyan sa Presidente ang kapalaran sa ICI sa desisyon mismo sa komisyon tungod kay kini usa ka independente nga lawas.
