DEVELOPING STORY: Misaka na sa upat ka tawo ang gikumpirma nga namatay human nahugno ang usa ka building sa Angeles City, Pampanga.
Moabot sa 47 ka tawo ang gitaho nga naapektuhan, 26 niini ang naluwas, samtang 17 pa ang padayon nga gipangita sa mga responder.
Sumala sa Philippine Red Cross (PRC), nakigtambayayong sila sa mga lokal nga awtoridad aron maluwas ang mga nahibiling biktima.
Nagpadala na sila og mga Collapsed Structure Search and Rescue (CSSR) ug Emergency Medical Services (EMS) teams gikan sa Pampanga ug Olongapo Chapters aron motabang sa lugar sa insidente.
Agig tubag sa mga panginahanglan sa mga pamilya sa mga biktima, ang PRC nagtukod usab og 24/7 Welfare Desk sa Angeles Hospital alang sa Restoring Family Links (RFL) ug psychosocial support.
Ang mga kawani ug boluntaryo sa PRC nagpabilin nga alerto, nga nagtrabaho og 24-oras nga shift aron masiguro ang paspas nga paghatud sa tabang.
Nagpadayon usab ang organisasyon sa pag-ampo alang sa mga biktima, sa ilang mga pamilya, ug sa mga mitubag sa trahedya.
