-- ADVERTISEMENT --
Nagkasabot sila si Department of Agriculture Secretary Francisco Tiu Laurel Jr. uban sa kapin sa usa ka dosena nga Rice Industry Stakeholders, nga motabang sa pagpaubos sa presyo sa bugas, human kini mipatawag og tigom.
Matod ni Laurel, subay sa direktiba ni Presidente Ferdinand Bongbong Marcos Jr. mangita silag paagi nga mapaus-os ang presyo sa bugas sa kamerkadohan.
Dugang pa sa kalihim, gusto sa presidente nga mapagaan ang problema sa financial strain sa mga kabus nga konsumidor.
Una nang gikataho nga nisaka ang presyo sa bugas sa tibuok kalibutan sukad gidili sa India ang pag-eksport sa non-basmati rice niadtong Hulyo sa miaging tuig ug dungan sa epekto sa El Niño sa suplay sa bugas.
