CEBU – Seryoso ang dala nga risgo sa panglawas kung ang usa ka indibdiwal obse, ilabi na nga gipakita bag-ong pagtuon ang dakong posibilidad sa heart failure sa edaran na nga mga babaye kinsa adunay late menopause.
Sumala sa pagtuon, nga ang babaye kinsang menstruation period mohunong sa eddad nga 55 anyos mas taas og risgo sa panglawas ilabi na sa heart failure.
Matod ni lead author Dr. Imo Ebong, usa ka associate professor of medicine sa University of California, Davis, nga mas taas ang giapaabot nga risgo sa mga babayeng obese kung heart failure ang hisgutan.
Ang heart failure usa ka kasinatian kung diin mohunong na sa pagpump og igong dugo ug oxygen ang kasing kasing nga makahimo sa ubang parte sa lawas nga makalihok.
Nasyran nga ang menopause kasagaran magsugod sa edad nga 45 ngadto sa 55 anyos, ang mga miaging pagtuon nagpakita nga misaka na kini sa 1.5 ka tuig sa mga nakalabayng dekada.
Anaa lang sa 14% ang rate sa late menopause samtang 13% ang early menopause nga magsugod sa dili pa motungtong sa 45 anyos.
