CEBU CITY-Nipahigayon sa Run Against Contribution Evaders (RACE) campaign ang kadagkuan sa Social Security System (SSS) diin upat ka mga establisamento sa Siyudad sa Mandaue nga gipadalhan og Suwat-Pahimangno tungod sa kapakyas pagremit sa contributions alang sa ilang mga empleyado samtang tulo way rehestro.
Lakip sa mga kompaniya nga gipadalhan og Suwat-Pahimangno sa SSS mao ang Repair and Serving of Home and Garden equipment sa Barangay Maguikay, Water Refilling Station sa Barangay Cabangcalan, Agrivet Supply sa Barangay Casungtingan, Management Consultancy ug Construction sa Barangay Tingub, duha ka Beauty Parlors UG Massage Spa sa Barangay Guizo.
Gibutyag ni Vice Presidente sa SSS Visayas, Atty. Alberto Montalbo nga dul-an sa kwatro milyones pisos ang kulektahon sa upat ka mga kompaniya tungod sa wala pagremit sa contributions sa ilang mga trabahante diin ang consultancy ug construction firm maoy labing dakong bayronon nga moabot og kapin sa P3.4 milyones.
Gipadayag niini nga ang ilang pagpahigayon sa RACE campaign gitumong arun sa pagpahibalo sa mga negusyante nga ilang gayud ipatuman ang balaud kalabot sa paghatag og remitances sa contributions alang sa mga trabahante nga maoy makabenepisyo sa ilang makulekta.
