Gipadayag ni Ukrainian President Volodymyr Zelensky nga gipalapdan sa Russia ang sakop sa mga pag-atake niini.
Matod ni Zelensky, gipuntirya sa Russia ang ilang mga data center ug mga internet provider.
Kini nga mga pag-atake makaapekto sa kinabuhi sa mga katawhan sa Ukraine, ilabi na kay importante kaayo kini nga mga serbisyo alang sa ilang edukasyon ug trabaho.
Gipagawas ni Zelensky kini nga pahayag human sa pag-atake sa drone sa Russia ngadto sa usa ka business center sa Kyiv—nga miresulta sa pagkamatay sa upat ka tawo ug nakadaot sa usa ka data center.
Gikumpirma sa Russia ang maong pag-atake, ug nangangkon nga gigamit sa Ukraine ang maong lugar alang sa mga katuyoan sa militar.
Tungod niini, nanawagan si Zelensky sa mga kaalyadong nasod nga motabang aron tulubagon ang Russia sa maong mga lihok.
