Nagpahigayon ang Russia og dagkong nuclear drills diin gilunsad niini ang nuclear-capable missiles taliwala sa nagkagrabeng tensyon sa NATO tungod sa gubat sa Ukraine.
Sumala sa mga taho, kapin 64,000 ka mga sundalo ang miapil sa usa sa pinakadakong nuclear exercises sa Russia sa bag-ohay nga mga tuig aron sulayan ang kaandam sa ilahang nuclear forces.
Miingon si Russian President Vladimir Putin nga ang paggamit sa nuclear weapons mao gihapon ang “katapusang kapilian,” apan kinahanglan magpabiling lig-on ang nuclear capabilities sa Russia ug Belarus tungod sa nagkadakong hulga sa kalibutan.
Lakip sa gisulayan sa Russia ang Yars intercontinental ballistic missile, Zircon hypersonic missile, ug Sineva ballistic missile.
Samtang, nagpadayon usab ang tensyon tali sa Russia ug mga kaalyado sa NATO sa Baltic region human gi-akusahan sa Moscow ang pipila ka nasod nga nagtugot sa paggamit sa ilang airspace alang sa drone attacks batok sa Russia, usa ka alegasyon nga gihimakak sa NATO.
