Gikumpirma sa Russia ug Ukraine nga moapil sila sa usa ka bag-ong proseso sa kalinaw nga gipataliwad-an sa United States.
Ang ikatulong panagsultihanay sa kalinaw gikatakdang ipahigayon karong Pebrero 17 ug 18 sa Geneva.
Adunay duha ka miaging panagsultihanay nga gihimo sa Abu Dhabi, apan kini ang unang higayon nga ipahigayon ang maong negosasyon sa Europa.
Motambong sa meeting ang mga representante gikan sa Russia, Ukraine, ug United States.
Sa miaging mga panagsultihanay, nagkauyon ang duha ka nasud nga dili atakehon ang mga imprastraktura sa enerhiya.
Samtang sa ikaduhang panagsultihanay, nahitabo ang pagbayloay og mga binilanggo isip kabahin sa mga kasabutan.
Kahinumduman nga si US President Donald Trump, miingon sa makadaghan nga higayon nga gusto niyang tapuson ang panagbangi tali sa Russia ug Ukraine nga nagpadayon sulod sa halos upat ka tuig.
