Gikatakda nga mobisita sa North Korea ang Presidente sa Russia nga si Vladimir Putin.
Ang maong pagbisita maoy pinakauna sulod sa 24 ka tuig.
Niadtong Septembre si North Korean leader Kim Jong Un nibisita sa Russia diin iyang giimbitar si Putin nga mobisita usab sa iyang nasud.
Ang katapusang higayon nga mibisita si Putin sa Pyongyang kaniadtong Hulyo 2000.
Ang duha ka nasud mahimong mopirma sa kasabutan sa mga butang sa seguridad ug ang pagpalig-on sa asosasyon sa duha ka mga nasud.
Pipila sa mga delegado nga kauban ni Putin mao ang Russian Defense Minister Andrei Belousov, Foreign Minister Sergei Lavrov ug Deputy Prime Minister Alexander Novak.
Pagkahuman sa North Korea, si Putin mobisita sa Vietnam gikan sa Hunyo 19-20.
Kahinumdoman nga ang Russia dayag nga nagpakita sa ilang relasyon sa North Korea sukad nga nagsugod sila sa pag-atake sa Ukraine.
Nabalaka ang US tungod kay giakusahan niini ang North Korea nga nagsuplay og armas sa Russia aron makig-away sa Ukraine.
Bisan ang South Korea nabalaka sa hugot nga relasyon sa North Korea ug Russia tungod kay palig-onon gyud nila ang ilang mga armas nga kalapasan sa mga resolusyon sa United Nations.
