CEBU CITY-Gisuprisa sa usa ka drug testing sa Cebu City Office on Substance Abuse Prevention (COSAP) ang dili muminos sa 30 ka sakop sa Cebu City Public Information Office (PIO) niadtong Enero 24, 2025.
Gipahigayon kini sulod sa Cebu City Hall diin nahisubay kini sa inisyatiba ubos sa administrasyon ni Cebu City Mayor Raymond Alvin Garcia sa hingpit nga pag-angkon sa City Hall isip drug-free workplace.
Gipanguluhan ang Cebu City PIO ni Ramil Ayuman diin gikalipay niya kini ang pagsumiter sa iyang mga sakop sa gipahigayong drug testing.
Dugang pa sa opisyal nga bisan pa man adunay kini mga empleyado nga naka-file og leave kay gipatunga kini sa maong drug test.
Malaumon ang pamunuan sa PIO sa resultang mugawas sunod semana.
Dili lamang ang buhatan sa PIO ang gipaubos sa drug test apan lakip sab kini sa uban mga opisina sa kagamhanang dakbayan sa Sugbo.
