CEBU CITY-Nasikop ang usa ka sales agent nga wanted sa duha ka ihap sa pagpanglugos sa Barangay Yati, lungsod sa Liloan sa amihanang Sugbo.
Giila sa mga kapulisan ang suspek nga si Leonard Raya Villar, 36-anyos, nga taga San Vicente sa naasoy nga lungsod.
Sa pakighinabi sa Bombo Radyo Cebu News Team kang Police Major Eric Gingoyon, ang hepe sa Liloan Police Station, matud niini nga bisan paman wala pa maluwat ang warrant of arrest sa suspek, mipaubos na sila og monitoring arun dali na kining masikop.
Base usab sa imbistigasyon sa kapulisan nga ang biktima gipapuyo sa iyang inahan sa balay ni Villar.
Subay niini, ang biktima anaa na sa kiliran sa iyang inahan diin gisuwayan pa og kontak sa kapulisan arun sa pagpahibalo nga nadakpan na ang suspetsado.
