Gisapublikar sa 19 ka mga senador ang ilang Statement of Assets, Liabilities and Net Worth (SALN).
Kun diin sa maong mga dokumento subay sa certified true copy nga gipagawas ni Senate Secretary Renato Bantug Jr. kay nagpakita kini nga si Senador Francis “Chiz” Escudero ang pinakapurdoy sa bahandi nga P18.84-milyones samtang si Mark Villar ang pinaka-adunahan sa P1.26-bilyones nga assets ug zero ang liabilities o utang.
Ang misunod ni Mark Villar kay mao si Senador Raffy Tulfo sa kinatibuk-ang pagpanag-iya a P1.05-bilyones.
Gisundan na kini nila:
Sen. Erwin Tulfo – ₱497 million.
Sen. Migz Zubiri – ₱431.78 million.
Sen. Camille Villar – ₱362.07 million.
Sen. Ping Lacson – ₱244.94 million.
Sen. Robin Padilla – ₱244.04 million.
Sen. Jinggoy Estrada – ₱221.21 million.
Sen. Lito Lapid – ₱202.04 million.
Sen. Tito Sotto – ₱188.87 million.
Sen. JV Ejercito – ₱137.08 million.
Sen. Pia Cayetano – ₱128.29 million.
Sen. Win Gatchalian – ₱89.52 million.
Sen. Bam Aquino – ₱86.55 million.
Sen. Loren Legarda – ₱79.21 million.
Sen. Joel Villanueva – ₱49.50 million.
Sen. Kiko Pangilinan – ₱26.73 million.
Sen. Risa Hontiveros – ₱18.99 million.
Sen. Chiz Escudero – ₱18.84 million.
Samtang, sa 19 ka mga senador nga nagpagawas sa ilang mga SALN, walo ang walay natala nga mga utang o liabilities. Kini naglakip nila Raffy Tulfo, Escudero, Gatchalian, Aquino, Padilla, Pangilinan, ug ang managsoon nga Villar.
Lima pa ka mga senador ang wala nagbutyag sa ilang mga kabtangan nga mao sila;
Senador Alan Cayetano
Senador Bato dela Rosa
Senador Bong Go
Senador Rodante Marcoleta
Senador Imee Marcos
Samtang, sa usa ka interbyu kang Gatchalian, chairman sa Committee on Finance, siya miingon nga adunay gamay ra nga paglihok sa iyang mga kabtangan.
Gipasiugda usab niya nga importante alang sa mga opisyal sa gobyerno nga ipahibalo sa publiko ang ilang mga kabtangan aron mabalik ang pagsalig sa publiko sa mga alagad sa publiko.
Siya miingon nga ang pagpahibalo sa publiko sa SALN usa ka konkreto nga lakang aron ipakita ang transparency ug integridad sa mga opisyal sa gobyerno.
Dugang ni Gatchalian nga tungod kay ang mga senador nagpagawas sa mga SALN usa-usa, ang ubang mga magbabalaod mosunod usab.
