Lauman ugmang adlawa, Miyerkules Abril 22, 2026 nga motambong ang pipila ka sakop sa buhatan sa Anti-Money Laundering Council (AMLC) aron pagsumiter sa mga reports sa giingung kadudahan nga mga bank transactions sa bank accounts sa mag-asawang Vice President Sara Duterte ug Atty. Mans Carpio.
Kini aron susihon kung aduna bay mga kwestiyunable nga mga bank transactions pasulod ug pagawas sa ilang mga bank accounts, lakip na ang pagsusi sa Statement of Assets Liabilities and Networth (SALN).
Matud ni Akbayan Partylist, Rep. Percival Cendaña, nga mahinungdanon nga lakip nga mosusi ang publiko sa pagpahigayon sa “clarificatory hearing” aron masuta kung aduna ba gayu’y gibug-aton ang mga pasangil batok sa Vice President Sara Duterte.
Sigon usab ni Cendaña nga taliwala sa mga testimonya nga gipagawas ni Ramil Madriaga, ang giingung bag-man ni Duterte, nga dili pa kini desisyonan sa Ubos-balay balauranan, diha-diha dayun gumikan kay adunay mga testimonya ug reports nga kinahanglang susihon pa aron pamatud-an ang mga reklamo nga gipasaka batok sa Vice President.
Dugang usab niini nga kung ugaling motambong si VP Duterte sa pagdungog, dili na gayud mamahimong mobalik sa hisgutanan sa testimonya ni Madriaga, ang House Committee on Justice gumikan kay natapos na ang maong hisgutanan.
Samtang sa hisgutanan sa pagpapauli sa Commission on Audit maylabot sa Notice of Disallowance nga nakita sa pundo sa Office of the Vice President, gihimug-atan ni Cendaña, nga kinahanglan iuli gayud kini ni Duterte gumikan kay pundo kini sa katawhan alang sa mga serbisyo nga angayang matagamtaman hilabi na sa panahon sa krisis.
Gawas sa AMLC ug Obudsman, lakip nga nga motambong mao si Kanhi Senador Antonio “Sonny” Trillanes, aron sa pagtistemonya sa giingung kwestiyuble nga joint bank accounts sa Vice President ug ni Kanhi Presidente Rodrigo Duterte.
