Gimando sa Third Division sa Sandiganbayan ang 90 ka adlaw nga preventive suspension batok kang Senador Rodante Marcoleta nga may kalabotan sa kasong plunder nga gipasaka batok kaniya.
Sa usa ka resolusyon nga gipagawas niadtong Oktubre 19, gimando sa korte ang suspensyon ni Marcoleta, nga magsugod sa higayon nga madawat niya ang maong resolusyon.
Ang kaso nagagikan sa giingong P75 milyones nga bahandi nga nakuha sa dili hustong paagi, nga matod pa wala gideklarar ni Marcoleta sa iyang Statement of Contributions and Expenditures (SOCE).
Sumala sa mga pasangil, nadawat ni Marcoleta ang maong kantidad gikan sa kanhi kongresista nga si Mike Defensor ug negosyante nga si Aristotle Viray samtang nagserbisyo siya isip representante sa SAGIP Party-list.
Gipahayag sa Sandiganbayan nga ang suspensyon awtomatikong matapos human sa 90 ka adlaw.
Samtang, giklaro sa korte nga ang suspensyon dili makaapekto sa mga gimbuhaton sa Senado isip usa ka collegial body.
