Subling mihimo ang P-pop group SB19 og kasaysayan human mapilian nga unang Filipino group nga moitsa sa ceremonial first pitch sa usa ka Major League Baseball (MLB) game sa Estados Unidos.
Ang lima ka miyembro nga grupo, bfa sila si Pablo, Stell, Ken, Josh, ug Justin, kabahin sa ilang international tour diin padayon nilang gipaila ang musikang Pilipino sa international stage.
Gawas sa pagpakita sa MLB, ang SB19 gikatakda usab nga mopasundayag sa Grammy Museum sa Hulyo 28 ug sa Lollapalooza sa Hulyo 30. Apil usab sa ilang iskedyul ang mga fan meeting sa US ug Japan, lakip na ang ilang pasundayag sa Summer Sonic sa Japan.
Ang SB19 pagailhon uban sa pipila ka mga personalidad nga Pilipino nga migamit na sa ceremonial first pitch sa MLB, lakip na ang boxing legend nga si Manny Pacquiao, aktres nga si Liza Soberano, ug komedyante nga si Jo Koy.
Nalipay ang ilang mga fans nga ang “A’TIN” usa pa ka milestone alang sa grupo. Sumala nila, kini ang pruweba sa padayon nga pag-usbaw sa SB19 isip representante sa musikang Pilipino sa tibuok kalibutan.
Kahinumduman nga ang mga oportunidad sa grupo sa internasyonal nga natad milapad pa human sila nakig-partner sa United Talent Agency (UTA), usa ka iladong global entertainment agency.
