Gibalibaran sa Korte Suprema ang hangyo alang sa Temporary Restraining Order (TRO) ug status quo ante order nga nagtinguha sa pagpugos sa Senado ug sa Senate Blue Ribbon Committee sa pagtipig ug pagpagawas sa orihinal nga draft reports sa ilang imbestigasyon sa anomalosong flood control mess.
Imbis nga mag-isyu og TRO, gimandoan sa Korte Suprema ang Senate Blue Ribbon Committee, nga gipangulohan ni Senador Panfilo “Ping” Lacson niadtong panahona, ug mga miyembro sa komite nga sila si Senador Juan Miguel Zubiri, JV Ejercito, ug Sherwin Gatchalian, sa pagsumite sa ilang mga komento o pagpasabot sulod sa 15 ka adlaw.
Gisang-at nila ni Abogado Eldrige Marvin Aceron, Sikini Labastilla, ug Purificacion Bartolome-Bernabe ang petisyon alang sa writ of mandamus ug certiorari aron mapugos ang komite sa pagpagawas sa wala gi-edit o kompletong bersyon sa draft partial report.
Bisan pa, sumala sa komite, ang partial report dili pa opisyal ug gipanalipdan sa deliberative process privilege, aron dili makaapekto o makahadlok sa gawasnon nga diskusyon sulod sa gobyerno.
Sumala sa mga petitioner, dili na magamit sa komite ang maong pribilehiyo tungod kay si Senador Lacson dayag na nga naghisgot ug nagpahibalo na sa mga sulod sa draft report sa media, lakip na ang mga rekomendasyon sa pagpasaka og mga kasong plunder batok sa pipila ka mga opisyal.
