Gibasura sa Korte Suprema ang mga petisyon nga gisang-at nila ni Atty. Vic Rodriguez, Berteni Cataluña Causing, ug Atty. Ernesto Francisco Jr. batok sa bag-ong “voting threshold” o sukdanan sa pagbotar sa Senate Impeachment Court.
Gikuwestiyon nilang tanan ang interpretasyon sa Senado bahin sa rekisitos nga “two-thirds vote” aron makahukom og “conviction” o pagkaplag nga sad-an ang usa ka opisyal sa kaso nga impeachment.
Niadtong Septiyembre 23, miuyon ang Senado nga kadto lamang mga senador nga “legal” ug ‘actually able to participate’ sa mga pagdungog ang tugotan nga mobotar.
Apan, nanawagan sila si kanhi Executive Secretary Vic Rodriguez ug Atty. Ernesto Francisco nga ipawalay-bisa sa Korte Suprema kini nga lagda.
Sa laing bahin, miinsistir si Berteni Cataluña Causing nga ang ubang mga senador angay gihapong iapil sa ihap sa mga boto, bisan pa man kung sila nagtago, naka-detained, o adunay mga panginahanglanon sa panglawas.
Sa katapusan, gibasura sa Korte Suprema ang maong managlahing mga petisyon, nga nagpahayag nga ang mga petitioner walay igong “legal standing” ug nga ang mga petisyon nga gisang-at sa kay premature.
