Giklaro sa Securities and Exchange Commission nga ang buhatan, anaa gitukod alang sa pagprotehir sa mga posibleng mabiktima sa mga online scams, lending company, og mga investments scams nga sagad mahitabo usab panahon sa Holiday season.
Matud ni Atty. Jesher M. Radaza ang Officer In-Charge sa Securties Exchange and Commission, nga kaniadto adunay mga lisensya nga gipanghatag sa mga online investments company og mga lending companies, apan gipahunong gumikan nasayran sa buhatan nga nagkadaghan ang mga scammer nga walay rehistro gikan sa buatan, hilabi na sa internet.
Sigon ni Radaza, nga usa usab sa hinungdan nga gihunong sa SEC ang pagparehistro sa mga lending companies pinaagi online, kini gumikan kay sagad niini nakalapas na sa angay nga buhaton sa mga kompanya sa pagpakolekta sa kwarta, diin sagad niini pinugos og sukwahi gayud sa pamaagi sa SEC.
Gihimug-atan usab ni Radaza, nga dili gayud i-tolerate sa buhatan ang mga buhat sa mga lending ug investment companies nga nakalapas na sa lagda hilabi na sa pagpamugos sa mga barrowers sa pagkolekta sa kwarta gumikan kay posible gayud silang mapenalized.
Hinungdan nga nagpahigayon og cease and desist order ang buhatan sa SEC sa mga online lending companies nga nagpromote ug pautang sa publiko nga walay lisensya.
Mipahimangno usab si Radaza nga magbantay sa mga scammer og makanunayong bantayan ang mga timailhan sa mga online scammers sama sa pag-offer og dako nga kwarta sa barrower.
