CEBU CITY-Nalanding sa tambalanan ang 28-anyos nga security guard, kinsa gituohang nanghulga sa front desk sa usa ka hotel ning Dakbayan sa Sugbo, ganihang kadlawon, sa Osmeña Blvd near Cebu Doctors Hospital Brgy. Capitol Site, Cebu City.
Ang maong suspek giila nga si Vernor Patria, security guard sa palladium suites.
Sa inisyal nga imbestigasyon sa Abellana Police Station, nasuta nga adunay nitaho sa kapulisan kabahin sa nahitabong tulis sa nahisgutang hotel diin ang suspek mao ra usab ang gwardiya.
Atol sa pakighinabi sa Media kang PCOL ENRICO E FIGUEROA, ang Acting City Director sa Cebu City Police Office (CCPO, nga daling girespondehan ang maong insidente sa mga sakop sa Abellana Police Station, Special Weapons And Tactics(SWAT) ug City Mobile Force Company(CMFC) diin naabtan pa ang suspect nga padulong mosibat.
Dinhi, gihangyo sa niresponding kapulisan ang suspek nga mo-surrender nalang, apan, nagmagahi kini ug nagpagukod.
Atol sa ginukdanay, nakorner ang suspek og gipahapa, apan, imbes mohapa o mo-isa kaha sa iyang kamot, niataki kini sa mga sakop sa SWAT, hinungdan nga napugos ang kapulisan sa pag pindown sa suspek pinaagi sa pagpusil sa tiil.
Nakuha sa mga kapulisan gikan sa suspek ang usa ka kutsilyo ingon man gunting.
Daling gidala sa pinakaduol nga tambalanan ang suspek.
Human sa komusyon, nasuta nga atol sa insidente, naangol ang usa ka pulis nga si Patrolman Carillo, human natapsingan sa bala.
Sa kasamtangan gihikayan na og tukmang kaso ang suspek.
