LAPU LAPU CITY, CEBU-Selos hinungdan sa pagpatay sa 14-anyos nga bata sa iyang 5-anyos nga igsoon sa amahan sa Barangay Suba-Basbas, dakbayan sa Lapu-Lapu niadtong Mayo 10, 2024.
Matod ni Police Lieutenant Colonel Christian Torres, ang tigpamaba sa Lapu-Lapu City Police Office, nga ang singko anyos nga biktima ug ang suspek managsama og inahan apan managlahi ang amahan.
Base sa imbestigasyon, adunay init nga panaglalis tali sa menor de edad nga suspek ug sa iyang amahan hinungdan nga nibiya kini sa ilang panimalay.
Dugang pa ni Torres nga ang suspek nga menor de edad nisuway usab sa pagsakit sa iyang inahan apan wala kini madayon.
Isip pagbalos, giingong gidala sa tin-edyer ang biktima sa duol nga baybayon ug gisugdan sa pagkulata, gibunalan og bato ang nawong niini, ug sa kataposan nalumos kini hangtod nga namatay.
Nasayran nga nasaksihan kini sa 8-anyos nila nga igsuon nga nitug-an sa ilang inahan sa maong hitabo.
