CEBU CITY — Gitun-an pa sa City Legal Office nagpabiling “missing” nga selyo sa Office of the Mayor aron maaksyunan.
Kini human nga nalangay ang gikatakdang pagpanumpa Kon. Jerry Guardo ngadto ni Cebu City Mayor Edgardo Labella.
Gisuway sa pagpangita sa mga staff ang seal sa office of the mayor apan wala na kini makit-i pagkalabay sa 20 ka minutos.
Matud ni Labella nga gamiton ang maong selyo alang sa iyang kasamtagang nahimutang karon sa Vice Mayor’s Office.
Butang nga gikataw-an sa majority leader sa konseho nga si Kon. Raymund Garcia ang pagwagtang sa maong selyo human nawala ang tiles, inidoro, ug uban pang personal nga gamit ni ex-Mayor Tomas Osmeña sa mayor’s office.
Matud ni Garcia nga posibleng nadala ang maong seal kuyog sa mga furnitures ug tiles ni Osmeña sa dihang giguba ang mayor’s office sa ikawalo nga andana, ilabi na nga government property kini.
