Gilimpyohan ni Senador Jinggoy Estrada ang iyang pangalan pinaagi sa pagpangutana kang Mina Elamparo-Jose, representante sa WJ Construction kalabot sa pagkalambigit niini sa isyu sa ghost flood control projects.
Taliwala sa mainit nga pagdungog karong adlawa, nihatag og klarong tubag si Mina Elamparo-Jose, diin tataw nga niingon nga wala kini makaila sa senador, sama sa pagtumbok niini ni kanhing DPWH engineer nga si Brice Hernandez.
Human nga nakuha ang tubag kay nisingit dayon si Senador Rodante Marcoleta ug miingon nga dili gayud kaila niini si Senador Jinggoy ug wala kini nagdala og kwarta sa iyaha.
Ingon man nga gitubag kini ni Mina ug gidugang usab nga bisan kang Hernandez, wala siyay gidala nga kwarta.
Hinungdan nga gitapik ni Marcoleta si Estrada ug miingon nga safe gayud ang senador.
