Gibawi ni Senador Imee Marcos ang kontrobersyal nga video nga iyang gipresentar atol sa plenaryo sa Senado human nakakuha og mga pagsupak gikan sa iyang mga kaubang senador.
Diin ang naasoy nga video kay nagpakita sa giingong nagpadayon nga mga paningkamot alang sa charter change.
Ug hangyo sa senadora nga baylo sa iyang pagbawi kay isaad nila sa katawhan nga walay palugit sa termino ug adunay mahitabong eleksyon sa 2028.
Gipadayag usab niini nga na-offend siya sa mga gipangsulti sa ubang senador bahin kaniya nga bakakon kini ug tanang mogawas sa iyang baba kay tanan bakak apan sa ulahi iya kining gibalewala.
Wala usab napugngan ni Senador Migz Zubiri ang yang pagsupak human gipasalida ang iyang gitawag nga “propaganda video” nga gipresentar sa senadora.
Diin si Zubiri nagpahayag sa iyang kasagmuyo sa presentasyon, nga nag-ingon nga ang materyal dili angay alang sa opisyal nga mga proseso sa Senado.
