Sen. Lacson, giinsister nga dili ‘Gospel of Truth’ ang findings sa forensic expert witness

Gipasiugda ni Senator-judge Panfilo “Ping” Lacson nga dili angay isipon nga hingpit o ‘gospel truth’ ang mga findings sa financial analyst nga si Atty. Alexander Cabrera atol sa impeachment trial ni Vice President Sara Duterte.

Matod ni Lacson, bukas ang mga senator-judge sa mga kontra-argumento sa depensa nga mahimong makapahuyang sa opinyon, testimonya ug kredibilidad ni Cabrera atol sa cross-examination.

Miuyon usab niini si Presiding Officer Francis “Chiz” Escudero, kinsa mipatin-aw nga ang testimonya sa expert witness dili konklusibo ug dili nagbugkos sa hukom.

Subay sa mga lagda sa impeachment court, anaa sa mga senator-judge ang pagtimbang-timbang sa kamahinungdanon sa mga opinyon ug ebidensiyang gipresentar atol sa husay.