Gisupak ni Senador Panfilo “Ping” Lacson ang pahayag ni Department of Public Works and Highways (DPWH) Secretary Vince Dizon nga wala pay nakit-ang ghost o non-existent nga proyekto sa Taguig City.
Atol sa Senate hearing sa proposed 2027 DPWH budget, gipangutana ni Senador Alan Peter Cayetano si Dizon kung adunay ghost project sa Taguig, diin mitubag ang kalihim nga wala pa’y nakit-an base sa ilang imbestigasyon.
Apan matud ni Lacson, sukwahi kini sa mga report sa inspeksyon sa mga kawani sa DPWH nga nagdumala sa maintenance, construction, quality ug research and standards.
Gihisgutan niya ang mga flood control project sa Taguig nga gi-report nga nahuman na apan, matud niya, adunay mga proyekto nga dili mapamatud-an ang aktuwal nga nahimutangan.
Nanawagan si Lacson nga susihon pag-ayo ang maong mga report ug ang mga proyekto sa imprastraktura sa Taguig.
Ang iyang mga alegasyon kabahin sa nagpadayon nga pagsusi sa Senado sa mga proyekto sa maong siyudad.
