Gihatagan og dugang panahon ang defense team ni Vice President Sara Duterte aron mangandam sa testimonya ni Anti-Money Laundering Council (AMLC) Executive Director Ronel Buenaventura.
Mihangyo og dugang panahon ang lead defense counsel nga si Sheila Sison human nila nadawat niadtong Huwebes ang mga summary sa mga rekord sa AMLC.
Kinahanglan pa nilang susihon ang mga dokumento nga anaa sa 23 ngadto sa 24 ka kahon aron maandam ang ilang mga pangutana alang sa direct ug cross-examination.
Matod ni Sison, importante nga masusi nila ang mga rekord aron tukmang matubag ang mga pangutana sa prosekusyon ug maandam ang ilang mga objection.
Giuyonan ni Presiding Officer Francis “Chiz” Escudero ang hangyo sa depensa.
Tungod niini, ipadayon ang testimonya ni Buenaventura sa Oktubre 5.
Ang testimonya sa mga representante gikan sa mga kompanya sa insurance, mga bangko, ug Bureau of Internal Revenue gibalhin usab sa mas ulahing mga petsa.
Samtang, gikuwestiyon sa depensa ang pagmarka nga “Strictly Confidential” sa mga rekord sa AMLC, subay sa mga probisyon sa Anti-Money Laundering Act bahin sa confidentiality.
Matod ni Escudero, mahimong hisgutan sa mga senator-judge ang maong isyu atol sa caucus o open session sa pagpadayon sa husay karong Lunes.
