Angay ug tukma nga tawo si Atty. Ronel Buenaventura, ang Executive Director sa Anti-Money Laundering Council (AMLC) nga mopamatuod ug mokumpirma sa mga bank record sa Bise Presidente.
Kini ang gikanayon ni Atty. Rameses Victorius Gatchalian Villagonzalo, usa ka ICC-accredited lawyer nga bisan tuod kabahin sa trabaho sa defense counsel ang pagsupak sa argumento, dili angay ug walay legal nga basehan ang paggamit sa isyu sa confidentiality sa kasong impeachment.
Gipasabot sa abogado nga walay angay pirmahan o depensahan ang mga shareholder subay sa lagda sa bank confidentiality. Inay, sumala sa balaod, ang mga bank record mahimong ablihan o ipresentar kung adunay kaso nga nagpadayon kalabot sa impeachment.
Gihimug-atan usab niini nga wala silay lusot niana, human niya gikumpirma nga bisan tuod sagad magpagawas og mga ideya ang defense counsel, ang maong interpretasyon sa balaod sayop ug dili tukma.
