Defense team ni VP Sara, mitahod sa desisyon sa prosekusyon nga tangtangon ang Article III

Girespeto sa defense team ni Vice President Sara Duterte ang desisyon sa prosekusyon sa House of Representatives nga dili na ipadayon ang Article III sa impeachment complaint batok kaniya, nga naglakip sa mga alegasyon sa pagpanghatag og suborno o bribery.

Matod ni defense spokesperson Atty. Michael Poa, katungod sa prosekusyon ang pagdesisyon kon ipadayon ba o dili ang usa ka artikulo sa impeachment complaint.

Sa dihang gipangutana kon mahimo ba kining isipon nga gamayng kadaugan alang sa depensa, mibalibad si Poa sa maong paghulagway.

Gipasabot niya nga dili sila gustong moangkon og kredito sa maong desisyon, tungod kay ang pag-atras sa Article III kaugalingong desisyon sa prosekusyon.