Planong iduso pagbalik sa umaabot nga 20th Congress ni Senate Deputy Minority Leader Risa Hontiveros ang Divorce bill, SOGIESC bill, ug teenage pregnancy bill kung dili mapasar sa kasamtangang kongreso ang maong sugyot nga balaodnon matod pa sa pamahayag niini niadtong Miyerkules, Mayo 21, 2025.
Mao kini ang pamulong ni Senador Hontiveros sa nahitabong “Kapihan sa Senado” diin matod pa komitado siyang i-refile ang maong mga Senate Bill.
Sumala pa niini sa bahin sa Divorce bill nga ang kahaw-ang sa estado sa iyang balaod sa ‘dissolution of marriage’ kay usa ka “moral failing” sa pagprotektar niini sa mga lungsuranon ilabi na niadtong mga pamilya nga anaa sa dysfunctional marital status.
Samtang nanghinaot sab kini nga mapasar sa sunod nga Kongreso ang Sexual Orientation, Gender Identity and Expression, and Sex Characteristics (SOGIESC) Bill ug ang Teenage Pregnancy Prevention Bill.
Ang maong balaodnon kay nagtumong sa paghatag og kaalam ug giya sa mga kabatan-onan kabahin sa hisgutanan sa pagmabdos aron kini mailikay sa sayong pagpanganak nga giisip nga national ug social emergency.
Gipalaw pud niini ang mga mukatag nga fake news kabahin sa maong sugyot nga balaod nga magtudlo og pakighilawas sa mga kabatan-onan nga dili maoy tumong niini.
Sa panghinaot niini nga mapasar kini kay makabenepisyo sa mga bag-ong henerasyon nga malayo sa teenage pregnancy.
Susamang baruganan nga gisugyot sa Senadora sa iyang pagduso sab sa SOGIESC bill sa Kongreso.
