Gikumpirmar ni Senate President Pro-Tempore ug Acting Senate President Sherwin Gatchalian nga ang sesyon sa Senado magpadayon karong adlawa, Hunyo 15, 2026, bisan pa sa nagpadayon nga isyu sa liderato sa Upper House.
Sumala ni Gatchalian, mas hugot nga seguridad ang ipatuman sa Senado, lakip ang pagpatuman sa “no visitor policy” isip kabahin sa mga precautionary measures tungod sa giingong hulga sa seguridad nga gitaho sa National Bureau of Investigation.
Ang opisina ni Gatchalian kaniadto nagpagawas og memorandum niadtong Hunyo 9 aron ipatuman ang gipahugtan nga mga protocol sa seguridad.
Bisan pa, dili klaro kung unsang klase sa convening ang ipahigayon, tungod kay wala pa’y mga detalye nga gipagawas kung kini ba usa ka regular session, organizational meeting, hearing sa komite, o uban pang espesyal nga proseso.
Sa samang higayon, nagpabilin ang mga dili pagsinabtanay sulod sa liderato sa Senado. Diin matud ni Senador Alan Peter Cayetano, ang mga boto sa 13 ka senador igo na aron balido ang eleksyon sa presidente sa Senado, samtang ang proseso sa liderato sa Senado padayon nga gidebatehan.
Tungod niini, nagpabilin nga misteryo sa publiko kon unsaon gyud paglihok sa Senado sa pag-usab niini sa Hunyo 15.
