CEBU CITY-Gihimug-atan ni Senate Chairman Richard Gordon nga bisan paman og miingon si PNP Chief Oscar Albayalde nga mu move-on nalang tungod kay wala man kini gitaktak sa pwesto ni Presidente Duterte kinahanglan pa gihapon kining imbestigaran.
Pagtino sa senate chairman nga sayod ang PNP chief nga kinhanglang dunay buhaton kalabot niining maong hisgutanan ug sayod kini nga ‘under siege’ siya karon.
Dugang pa ni Gordon nga daghan pang angayang tuki-on sa probe sama nalang sa dul-an 700 million pesos nga kwaryang gikuha matud pa sa ninja cops ug mga sakyanan niini. Labaw sa tanan, ang nahimutangan sa drug personality nga si ‘Johnson Lee’.
Gitataw usab sa senador nga matahi na ugma ang dagan sa senate probe tungod kay duna na matud pa’y bago nga mga testigo.
Mensahe usab ni Gordon sa publiko, nga magfocus sa issue ug angayang malipay nga na madiskubre ang sama niining iskandalo sa PNP para matarong na kini sa umaabot.
