Gitakda sa Singapore nga ibasura ang 34 ka tuig na nga pagdili ug naglimitar sa mga binuhi nga mahimong bahin sa mga katilingbanon nga pabalay.
Ang mga high-rise blocks ubos sa Housing and Development Board (HDB) gipailalom sa pagdili gikan sa 1960 diin ang HDB gipaila aron matubag ang krisis sa pabalay diin ang mga tawo nagpuyo sa hagip-ot nga mga pinuy-anan nga walay saktong sanitation.
Sa pagkakaron, kapin sa 80 porsyento sa populasyon sa Singapore nagpuyo sa HDB flats.
Ang pagdili sa mga iring gipahamtang niadtong tuig 1989 alang sa HDB flats tungod kay ang ahensya nag-ingon nga lisud ang pagpugong sa mga iring sulod sa apartment ug sila adunay kalagmitan sa pag-ula sa mga balhibo ug paghugaw o pag-ihi sa mga pampublikong lugar, ug sa paghimo sa mga tingog sa caterwauling, nga makahasol sa mga silingan.
Sumala sa bag-ong mga regulasyon, ang mga residente tugutan nga makapanag-iya hangtod sa duha ka iring ug usa ka iro sa usa ka giaprubahan nga polisiya.
Apan, kinahanglan nga ang mga tag-iya kay magpalista ug mokompleto sa kurso sa pagpanag-iya sa binuhi nga ihatag nga libre.
Kinahanglan nilang i-microchip ang ilang mga binuhi ug iparehistro usab nila kini.
