CEBU – Gitataw ni Cebu City Councilor Jerry Guardo, ang chairman sa Committee on Infrastructure, nga dili ingon ana kasayon nga mapatuman sa kagamhanan sa dakbayan sa Sugbo ang tinguha ni Cebu City Mayor Mike Rama nga Singapore-like Cebu City.
Kini gumikan dako dako pa kaayo og latason ang kagamhanan aron mahisusama kita sa nasod nga Singapore.//
Gawas niana, gibutyag ni Guardo nga daghan pang mga informal settlers ang wala pa mabalhin sa mga medium-rise buildings ingon man dako pa kaayog trabahuon ang kasapaan sa syudad aron mabalik kini sa naandan nga kalimpyo og gilapdon.
Gitino sa konsehal nga nindot ang tinguha nga mamahimong sama sa Singapore ang dakbayan sa Sugbo ingon mas maayo kini nga adunay panglantaw ang kagamhanan aron usab mahibaw-an kung unsa ang atong padulngan.
