CEBU CITY- Napuno sa pagmahay ang 23-anyos nga single mom human kini madakpan sa mga sakup sa kapulisan sa Labangon Police Station atol sa gipahigayon nga Buy-bust operation.
Giila ang dinakpan nga si Floralyn Gamboa, nagpuyo sa Brgy. Calamba ning dakbayan a Sugbo.
Nakuha gikan kang Gamboa ang mga pakiti nga gisudlan sa gitu-ohang shabu nga nagkantidad og kapin sa P30,000.
Matud ni Gamboa nga gagmay pa kaayu ang iyang mga anak ug wala siyay bana hinungdan nga ni diskarte nalang siya arun maka kwarta ug makapakaun sa iyang mga anak.
Ingon man nga napugos kini si sa pagpamaligya og shabu, gumikan kay Grade 5 ra kini kutob ug maglisud siyag sulod og trabaho.
Gisaysay usab ni Gamboa nga gibiya-an siya sa iyang bana tungod kay ang iyang bana nalipay na sa lain kinsang higala rapad ni Gamboa.
