Makasayaw ra gihapon ang umaabot nga Sinulog Grand Parade ang mga contingents sa Sinulog sa Dakbayan bisan paman nga wala kini makadaog.
Gibutyag ni Cebu City Mayor Nestor Archival, nga makasayaw pagbalik ang mga nagkadaiyang grupo sa Sinulog sa Dakbayan ig adlaw sa Sinulog Grand Parade, gumikan kay aron hatagan og tsansa ang mga grupo nga makasayaw pagbalik bisan paman wala makakab-ot kadaogan.
Sigon usab ni Archival nga pasayon sila og balik aron hatagan og bili ang mga hago nga gigahin sa mga mananayaw hilabi na gayud sa kadako sa gasto niini matag-barangay diin mokabat sa Minilyon ang nagasto matag grupo aron lang makasayaw.
Dugang sa Mayor nga ang 17 ka mga contigents kabahin sa Dakbayan sa Sugbo og sagad niini mga residente sa dakbayan hinungdan nga sakto lang pasayawon sila pag-usab og aron usab nga makasaksi ang mga kabanay sa mga mananayaw nga mihalad sa balaang bata Snr. Sto. Nino.
Nanghinaot usab si Archival, nga unta makabaton og maayo nga panahon sa adlaw sa Sinulog Grand Parade aron usab malikayan ang mga disgrasya susamasa nahitabo sa nakalabayng Sinulog sa Dakbayan.
