Gideklarar sa kagamhanang lalawigan sa Siquijor ang “State of Calamity” likop tibuok probinsya tungod sa nasinati niini nga halapad nga krisis sa suplay sa kuryente nga nakabalda sa pipila ka mga serbisyo niadtong Miyerkules, Hunyo 4, 2025.
Kini og agig tubag sa kagamhanang aron maresolbar ang maong problema sa kuryente sa isla nga nakabalda na sa pipila ka mga serbisyo ug mga negosyo nga maoy nag-unang tinubdan sa panginabuhian sa mga Siquijodnon.
Gani agn among deklarasyon kay nagsubay sa botasyon sa Siquijor Provincial Board sa rekomendasyo sa Provincial Disaster Risk Reduction and Management Council (PDRRMC) sa pagpatuman sa State of Calamity.
Ang halapad nga krisis sa suplay sa kuryente kay nunot sa power shortage sa electric distribution company nga Siquijor Island Power Corporation (SipCor) nga mi resulta sa kakuwang nga muabot sa 2,250 Kilowatts.
Kasayran nga sukad pa niadtong buwan sa Mayo kay nakasinati na ang islang lalawigan sa pag-blackout gikan sa 2 ngadto sa 3 ka oras kada adlaw nga nakaapektar na sa pipila ka mga serbisyo sama sa suplay sa tubig, operasyon sa mga tambalanan, edukasyon, turismo, ug bisan ang mga online-based livelihoods.
